आसन्न फागुन २१ गतेको प्रतिनिधीसभा सदस्य निर्वाचनका लागि नेपाली कम्युनिस्ट पार्टीले सोलुखुम्बु जिल्लामा असिम राईलाई उम्मेदवार बनाएको छ । राईको उम्मेदवारीका लागि नेकपाका अर्का नेता तथा सोलुखुम्बु जिल्ला ईन्चार्ज हेमकुमार राई सुरवीर प्रस्तावक बनेकाछन ।
भोलि माघ ६ गते हुने मनोनयन दर्तामा हेमकुमार राईको प्रस्तावमा असिम राईले मनोनयन दर्ता गर्ने भएका हुन । अधिकांश नवयुवाको रोजाईमा पर्न सफल र आम सोलुबासीको आशा र भरोसाको केन्द्रका रुपमा उदायका राई नै सोलुखुम्बुको सशक्त उम्मेदवारको रुपमा चुनावी मैदानमा होमिन लागेका हुन ।
यसअघि दुई कार्यकाल नै थुलुङ दुधकोशी गाउँपालिकाको अध्यक्षमा सफल कार्यसम्पादन गरिसकेका राई अब सिङ्गो जिल्लाको नेतृत्व गर्न अघि बढेकाछन । उनको उम्मेदवारीले जनतामा नयाँ आशा र उमंग पैदा गरिदिएको छ ।
उनको परिणाममूखी कार्यसम्पादन र अद्वितिय निर्णय क्षमता समग्र सोलुखुम्बुको समृद्धि र संकल्पको आधार भएको आम जनताको विश्लेषण रहेको छ । सोलुखुम्बुमा आम जनता असिम राईलाई मतदान गरेर जिल्लाको भाग्य र भबिष्य सुनौलो अक्षरले कोर्न आतुर देखिन्छन ।
सोही अनुसार नेपाली कम्युनिस्ट पार्टी ब्यक्तीभन्दा पनि बिचारको बिजयका निम्ती मैदानमा एकढिक्का भएर जनता समक्ष संकल्पहरू सहित प्रस्तुत भएको छ । निर्वाचन केन्द्रीत अभियानमा सिङ्गो नेकपा एकसाथ उभिने नेताहरूले बताएकाछन ।
